yu hi kabhi muskura dena
choti si kisi baat par khush ho jaana
aise hi kisi khayal me kho jaana
kya hua hai ye to rab hi jaane
mujhe bas itna pata hai
zindagi thori si badal gayi hai
ek iccha hai ek ehsaas hai
tumhare saath ki ek chah hai
tumse milne se pehle
ehsaas bhi nahi tha
ki choti choti si kuch baatein
itni bhi khubsurat ho sakti hai
kaun se mod par ja kar
kaun sa kissa banega
iski koi khabar nahi
bas tumhari baaton par
vishwas karne ki iccha hai
